Æ ha puttet i mi maw

Indsendt af Erik Nissen fra Braue.

mel. Jyden han er stærk og sej

Æ ha puttet i mi mau
få det mest av fjorten daw,
fisk å kø å så lidt ost
det var solid og richle kost.

Såen en onden æ skam gjæv
æ bløw we te det sa ræv
snap å øl, å hva det kalls,
det æ skam godt å få gorglet halls.

Snaps, de drak æ mindst en spand,
for det mindet mest um vand,
å det skrej å ga en rus,
ætte en fjorten te femten krus.

Æ ska alle mer vær sen,
te å snop et kyllingben,
med katøftle å lidt grønt,
så bløw vi sat å det æ så skønt.

No ska vi ha kaffe mæ brøj,
så ka vi ta fat pånøj,
å vi tænke nok det snyr,
at vi voss en goj lilyr.

Bette maw, hvis do ku ta,
sikke daw do så ku ha,
haj æ blot en strussemaw,
som ku bløw we i tre-fie daw.

No æ seje tak for ma,
æ ha fåt, hwa æ sku ha,
Tak for lån for knyw å krus,
nå ska æ u å det bette hus.