Af Martin N. Hansen
Mel.: Aage Lund
Vi gik ad stie
ind øv’r e marke,
e kvann var høje
så tit end vi,
og han hæ kysset
mæ melld e rovstråj,
vi hør’ e lærke
og sang som di.
Vi gik langs dighe
og ad e skovsti,
og vi var opp’ o
en gammel grav,
og vi hæ ståjn ved
e havkløvt sammel
og kigge langele
øv’r e hav.
Vi plåkked’ blomme
og gik og bytted’,
og han hæ kåldt mæ
sin egen ven,
og er det solskin
o næste sønda,
så skal æ mød’ ham
et stej igenn.
|
.png?autorotate=true&height=200)
© 2011-2024